«Заң мен Тәртіп»

Жаңа жылдық демалыстан кейін Шымкент мектептеріндегі сабақтар «Заң мен Тәртіп» бірыңғай адалдық сағаттарынан басталды. Жалпыға бірдей оқыту Департамент бастамасы бойынша білім басқармасымен және еріктілермен бірлесіп өткізілді.
Оқушылармен кездесулерге Департамент қызметкерлерінің, құқық қорғау блогы, «Аманат» партиясы өкілдерінің, қоғам қайраткерлері мен сыбайлас жемқорлыққа қарсы еріктілер қатысты.
Қатысушылар сыбайлас жемқорлыққа қарсы іс-қимылдың негізгі аспектілері, жеке тұлғаның парақорлықтан бас тартуы және біздің қоғамдағы кез келген құқық бұзушылықтарға төзбеушілік бойынша пікір алмасты.
Жалпы, «Заң мен Тәртіп» бірыңғай сынып сағаты қаланың 150-ге жуық мектебін қамтып, оған 100 мыңнан астам оқушы қатысты.
Мұндай акцияларды оқу жылында тұрақты түрде өткізу жоспарланған.