"БІРТҰТАС ЕЛ – БІРТҰТАС ЖЕР – Отан қорғаушыларды тәрбиелеудің идеологиялық негізі" тақырыбында тағылымы терең Ерлік сабағы өтті.

Бүгін, 2025 жылдың 11 желтоқсанында мектеп-гимназиямызда "БІРТҰТАС ЕЛ – БІРТҰТАС ЖЕР – Отан қорғаушыларды тәрбиелеудің идеологиялық негізі" тақырыбында тағылымы терең Ерлік сабағы өтті. 
Бұл іс-шара ҚР Оқу-ағарту министрлігінің "Адал азамат" біртұтас тәрбие бағдарламасы аясында, Шымкент қаласының Қорғаныс істері жөніндегі департаментінің 2025 жылғы 2 желтоқсандағы №1417/14/17/14174 хатына сәйкес, Білім басқармасының Әдістемелік орталығының бастамасымен ұйымдастырылды.
Ерлік сабақтың қадірлі қонағы — "Желтоқсан ақиқаты" РҚБ Шымкент қалалық филиалының ардагері Абдрахманов Бахытжан Абдрахманұлы. 
Оқушылар батыр ағамыздың ерлікке толы әңгімесінен үлгі алып, елге, жерге деген сүйіспеншіліктің, патриоттық рухтың мәнін терең сезінді. Игі шара өскелең ұрпақ бойында Отанға деген жауапкершілікті, ерлік пен намысты ұлықтауға бағытталды.