ЖАҢА ӨМІР, ЖАҢА ЖЫЛ, ЖАҢА КҮНМЕН КӨРІСУ!

  Бүгін – ерекше күн! Көңілге жылу сыйлайтын, мейірім мен достықты нығайтатын Көрісу күні. Бұл мереке – өткенге алғыс айтып, болашаққа нық қадам басудың, амандық пен татулықтың белгісі.
Көрісу күнінде халқымыз бір-бірімен құшақтасып, жүрекжарды тілектерін айтып, өкпе-ренішті ұмытып, жаңа жылға ақ ниетпен қадам басады. Бұл – бірліктің, сыйластықтың, ортақ қуаныштың күні.

Бүгін Наурызнаманың он күндігінің бірі – “Көрісу” күні кең көлемде аталып өтті. Осыған орай мектеп-гимназиямыздың ұжымы, оқушылары баршаңызды мерекемен құттықтап отыр, ақжарма тілегін жеткізіп отыр.

Кездескен әр жүзден жылулық сезіліп, жүректерге қуаныш ұялады. Осындай берекелі де мерекелі күндеріміз көп болсын! Баршаңызға мол бақыт, мықты денсаулық және табысты күндер тілейміз!