«ОҚИТЫН ҰЛТ – ОҚИТЫН ОҚУШЫ»

«Оқитын ұлт – оқитын мектеп – оқитын оқушы» жобасын іске асыру аясында 8 «А» сынып оқушылары Дейл Карнегидің «Достарды қалай табуға және адамдарға ықпал етуге болады» кітабын талқылады.

Іс-шара барысында оқушылар кітаптың негізгі идеяларымен танысып, мазмұнын талдап, автор ұсынған ұсыныстардың практикалық маңыздылығын талқылады. Әсіресе тиімді қарым-қатынас дағдыларын қалыптастыруға, тұлғааралық мәдениетті дамытуға, өзара түсіністік пен жеке тұлғалық дамуға ерекше назар аударылды.

Өткізілген іс-шара оқушылардың оқу белсенділігін арттыруға, сыни ойлау қабілеттерін және коммуникативтік құзыреттіліктерін дамытуға, сондай-ақ кітап оқуға және өзін-өзі дамытуға тұрақты қызығушылық қалыптастыруға ықпал етті.