Тамақтану сапасына мониторинг жүргізу комиссиясының тексерісі.

Шымкент қаласы №45 мектеп-гимназиясында ыстық тамақ қыркүйек айынан бастап қолға алынып, жұмыс жүйелі жүргізілуде, асхана қызметкерлерінің жұмысын санитарлық - эпидемиологиялық талаптарын сақталуына бракераж комиссиясының тексеруі аптасына бір рет жүргізіліп отырады.
 Күнделікті таңертең мектеп медбикесі асхананы тексеріп, асханаға жеткізілетін тамақ өнімдерінің сапасын, тағамдарды дайындау технологиясына, өнімдердің және дайын тағамдардың сақтау мерзімдері мен жағдайлары үнемі қатаң қадағаланады. 

Асхананың материалдық -техникалық базасы жақсы деңгейде. Қойма бөлмесі, мұздатқыш жұмыс жасап тұр. Тамақ асханада дайындалады. Жасөспірімдердің тамақ нәрлігі мен құрамы талапқа сай болуы үнемі басты назарда. Асхана тамақтану залында қол жууға арналған жағдайлар көрінетін және қолжетімді жерлерде орнатылған. «Тазалық – денсаулық кепілі» демекші, дені сау ұрпақ тәрбиелеу мектеп ұжымы үшін басты назарда.